Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.

21/3/22

Rosalía sempre viva I

 

 Estamos de parabéns!
O pasado 19 de marzo acudimos á fase final do certame poético "Rosalía sempre viva" convocado pola Casa-Museo Manuel María (preme para ler a noticia).
Celebramos o Día da Poesía nunha xornada de convivencia moi emocionante!
As nenas e nenos finalistas do colexio fixeron un recitado excelente. Deleitáronnos e emocionáronnos coas súas interpretacións.
Iago co poema "Rosas", "O carro" na voz de Lara , Adrián co poema "O chifre" e Carla co poema "A fala", todos eles de Manuel María.
Lara obtivo o premio na primeira categoría, Carla o premio na segunda  e Iago unha mención honorífica.
En hora boa a todas e todos! 
Deixamos nesta parte a Lara e a Carla. Gozade! 




(Foto e gravacións cedidas pola Casa-Museo Manuel María)
 


Día da Árbore, da Poesía e da Auga


 

9/3/22

8 de marzo, Día Internacional da Muller


Mulleres da nosa vida, Exeria, Frida Kahlo, Mulleres artesás da provincia de Lugo... Charlas e debates, música... todo isto e máis para celebrar o Día da Muller.
 





 
 
Deixamos aquí esta fermosa canción dedicada ás labregas do mar, as mariscadoras.


 

8/3/22

Día Internacional da Muller: encontro virtual


O camiño na túa casa!
O alumnado de 5º e 6º de Primaria realizou un encontro virtual con María Pardo, unha das creadoras do xogo de cartas "Ultreia". Ela e a súa compañeira, Gina, crearon este xogo para dar a coñecer a nosa cultura. Nesta baralla atoparemos albergues, monumentos, comida, tradicións, festas...e todo no Camiño de Santiago.
María foinos explicando como xurdiu a idea, os personaxes, como foi posible a súa comercialización, as regras de xogo...
Un xogo para compartir. Anímate! Coidado cos meigallos e as trasnadas! A pola túa credencial.
Moitas grazas, María e Gina!

3/3/22

Concurso de recitado poético "Rosalía sempre viva"


A Casa-Museo Manuel María convocou unha nova edición do concurso de recitado poético "Rosalía sempre viva". Este concurso ten como finalidade a potenciación da expresión oral e a creatividade do alumnado a través do coñecemento e recitado da obra de Rosalía e de Manuel María.

 

No colexio participamos con moita ilusión! Nenas e nenos mostráronnos o seu interese e sensibilidade por coñecer e recitar poesía.  

 

 

 

Vente, rapasa, Vamos bebendo, Mais ve que o meu corazón, Por que miña almiña, Adiós ríos, adiós fontes, Prá Habana, Unha vez tiven un cravo...de Rosalía.


 Rosas, O carro, Galicia, O chifre, Teatro de guiñol, A fala, O Sol, O cuco...de Manuel María.


 
Rematada a fase de centro fixemos entrega de diplomas.
Estamos cheos de ledicia. Por mil primaveras máis!

26/2/22

ENTROIDO GALEGO

Durante estes días, e en varias titorías, demos un repaso a algúns dos personaxes do noso Entroido: traxes, ritos, lugares, celebracións, gastronomía... Recollemos aquí unha mostra deles. 
Goza o Entroido galego!


 

ENTROIDO 2022

Camiño do Entroido

Peregrinas e peregrinos rosalianos, tradicionais, modernos, deportivos, orixinais, primaverais...pasaron polo centro nun continuo devir. 



Coñecemos a indumentaria do peregrino xacobeo medieval: sombreiro, capa, bordón, cabaza, cuncha... Moitas grazas á Asociación de Amigos do Camiño de Santiago da provincia de Lugo por facilitárnola.

Tivemos música de Entroido nas voces de Paco Nogueiras, Antonio Luz, Brinca Vai, Pingallos...

Moitas grazas familias pola vosa valiosa colaboración e a toda a Comunidade Escolar .