Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.
Mostrando entradas con la etiqueta Obradoiro. Mostrar todas las entradas
Mostrando entradas con la etiqueta Obradoiro. Mostrar todas las entradas

20/3/23

OBRADOIRO DE HAIKUS




O día 10 de marzo tivemos a visita da luguesa Cristina Corral Soilán. Ela é escritora, xornalista e profesora.
As nenas e nenos de 4º de Primaria participamos e gustamos do obradoiro de haikus galaico-portugueses impartido por Cristina.
Partindo da obra Ser Portugués é… de Ana La Bella Carapinheira e Tania Ballao Lopes, vimos cantas cousas temos @s galeg@s en común coa cultura portuguesa.
A partir desa idea artellamos un obradoiro de haikus, onde, ademais de aprender a construílos, escribimos os nosos propios poemas, reflexionando sobre a idea de que significa ser galeg@.
Foi moi interesante, quedamos encantad@s. Moitas grazas, Cristina. Volve cando queiras, estamos cerquiña!







 

18/6/21

Encontro virtual con Xesús M. Piñeiro


O alumnado de 6º de Primaria realizou un obradoiro de prensa no que Nós Diario foi o protagonista.
Hoxe tiveron unha xornada virtual con Xesús Piñeiro, xornalista e subdirector deste periódico.

Xesús explicou como é o día a día na redacción do xornal, quen traballa nela, que fan, como chegar a unha noticia, como funciona o "trello"...

Ao mesmo tempo que visitaron virtualmente a redacción falaron con outras persoas do equipo de Nós Diario (edición, maquetación, redacción). O encontro rematou cunha quenda de preguntas que aclararon as nosas dúbidas.

Grazas Nós Diario! Lémonos!




"A cabeza dunha/dun xornalista traballa as 24 horas do día!" 

12/11/18

OBRADOIRO DE BANDA DESEÑADA

O alumnado de 4º A e B realizou un obradoiro de ilustración con Sabela Díaz. A ilustradora, acompañada de Castaña, Landra, Pinga e Lontra, foinos introducindo no mundo da banda deseñada a través dunha temática ambiental de vital importancia: a contaminación da auga.

25/5/18

Obradoiro-espéctaculo cos irmáns Caxoto

Este obradoiro-espéctaculo correu a cargo de Felipe e Antón Caxoto, palabra e pincel fundíronse no escenario e fixeron o deleite do público asistente, alumnado de 2º, 3º e 4º.

Antón e Felipe, Caxoto Grande e Caxoto Cativo




>

25/11/17

Obradoiro de ilustración con Sabela Díaz

Sabela Díaz foi quen conduciu este obradoiro dirixido ao alumnado de 4ºA e B durante catro xeiras formativas. Ao tempo que foi introducindo algúns elementos básicos do cómic ( viñeta, globos,liñas, expresións, planos...) foron creando unha historieta de temática medio ambiental. Toda unha gozada!

11/11/17

Obradoiro de ilustración con Estefanía Padullés

O alumnado de 5º e 6º desfrutou dunha xornada formativa con Estefanía Padullés, bióloga, escritora e ilustradora de contos. Este obradoiro de ilustración e aplicación no mundo editorial permitiunos coñecer o proceso de elaboración dos libros. Para rematar deleitounos coa elaboración de debuxos, demostrando a súa mestría nesta arte.