Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.
Mostrando entradas con la etiqueta Escrita. Mostrar todas las entradas
Mostrando entradas con la etiqueta Escrita. Mostrar todas las entradas

24/3/24

Cachopúas

 

Querid@s nenos e nenas:

Estou moi contento con todas as receitas que recibín😃. Creo que vou facer un receitario con todas elas e deixalo na biblioteca. Teño que pensar como clasificalas porque na Casiña do Maxín había de todo: primeiros pratos, segundos pratos, sobremesas... e de moitos países! Descubrín unha chea de ingredientes, sabores e elaboracións novas. Tamén sei que colaboraron moito na casa polo que estou aínda máis contento e desde aquí envío as grazas a todas as familias participantes.


Agardo que todas e todos gozarades moito con esta actividade en familia. Eu estou máis alegre que un cuco! ( Por certo...entre marzo e abril o cuco ha de vir).

Saudiños e ata a próxima aventura literaria!

















5/6/23

A Casiña do Maxín e Cachopúas


Remata xa este curso no que coñecemos a un novo compañeiro: Cachopúas, un ourizo que veu vivir ao colexio para animarnos a escribir en galego.

Pasámolo moi ben coas súas cartas e cos seus escritos e, finalmente Cachopúas decidiu premiar a algúns nenos e nenas que se esmeraron de maneira especial nos seus traballos. Os premios realizáronse en colaboración con Polos Creativos.

As nenas e nenos de E.Infantil fixeron un traballo cooperativo marabilloso e, en Primaria, houbo unha gran participación con cartas, cómics, contos, poemas...


Agora Cachopúas marcha de vacacións e despídese ata o curso que vén. Virá cargado de sorpresas! Con el estará, coma sempre, o Equipo de Dinamización da Lingua Galega do cole, que dende aquí, agradece o traballo feito e tamén se despide ata o vindeiro curso con moito agarimo.

 



 


31/3/23

MULLER E POESÍA


Seguimos  con  CONCIENCIÁMONOS,  poesía desta vez creada, presentada e recitada polas nenas e nenos de 4º A a todo o alumnado de E. Primaria.


 
Os alumnos de 4º A,
imos recitar un poema
que vos vai encantar.

De todas as mulleres
que imos nomear
moitas delas
vanvos soar.

Coa galega Rosalía
imos comezar
esta bonita poesía.

Ela moito escribía
e toda Galicia a coñecía.
Cos seus poemas facía
que a xente tivera alegría.

Coas Tanxugueiras imos seguir
cancións en galego
que vos van divertir
e nunca deixar durmir.


 
A J.K.Rowling
podémoslle agradecer
 a súa fantástica historia
con Harry Potter como un máxico ser.

 
 
E para finalizar,
con Clara Campoamor
as mulleres puideron
votar sen temor.








Gozamos moito. Parabéns!!

20/3/23

OBRADOIRO DE HAIKUS




O día 10 de marzo tivemos a visita da luguesa Cristina Corral Soilán. Ela é escritora, xornalista e profesora.
As nenas e nenos de 4º de Primaria participamos e gustamos do obradoiro de haikus galaico-portugueses impartido por Cristina.
Partindo da obra Ser Portugués é… de Ana La Bella Carapinheira e Tania Ballao Lopes, vimos cantas cousas temos @s galeg@s en común coa cultura portuguesa.
A partir desa idea artellamos un obradoiro de haikus, onde, ademais de aprender a construílos, escribimos os nosos propios poemas, reflexionando sobre a idea de que significa ser galeg@.
Foi moi interesante, quedamos encantad@s. Moitas grazas, Cristina. Volve cando queiras, estamos cerquiña!







 

16/3/23

MULLER E POESÍA

Para celebrar o Día da Muller as nenas e nenos de 4ºB crearon, presentaron e recitaron para o resto de alumnado de Primaria a poesía titulada "Concienciámonos".
Non vola perdades, foi todo un pracer. Parabéns!

Somos 4º B 

e queremos presentar

unhas mulleres

que hai que recordar.


 


      




A primeira é Marie Curie,

inventora da radiografía,

que podemos utilizar hoxe en día

grazas á súa sabedoría.


 

 

 

 

A segunda é Rosalía

representante de Galicia,

poetisa e escritora

moi recordada pola súa obra.






A terceira é Jane Goodall.

Unha muller exploradora, loitadora e valente,

que empatizou cos primates

e fixo cousas moi relevantes.

 




A cuarta é Florence Nightingale,

coñecida pola dama da lámpada,

por coidar aos feridos da guerra como unha heroína,

e ser a precursora da enfermería.




A quinta é Frida Kahlo

pintora mexicana

representante da arte

e moi deslumbrante.

 

 

 

 

E xa para rematar

recordarvos que moitas máis hai,

tanto da nosa contorna coma de lonxe

a súa pegada na historia perdurará.

17/6/22

CAMIÑO PRIMITIVO. Todos os camiños levan a Compostela

Folleto informativo bilingüe

 

O alumnado de 4º de Primaria realizou este folleto galego-inglés sobre o Camiño Primitivo de Santiago en Galiza.

Inclúe ilustracións e mapas dos puntos máis salientables de cada unha das 8 etapas, recomendacións de lugares para visitar, cousas que facer e consellos útiles para as peregrinas e peregrinos antes de iniciarse no camiño.

O EDLG colaborou con Sección Bilingües na súa elaboración. 

Un gran traballo! 

 




20/5/22

Recanto das Letras

Esta actividade tivo como obxectivo o fomento da escrita en lingua galega e a relación entre niveis e/ou etapas mediante o intercambio dos textos producidos.

Como punto de partida, de motivación ou animación á escrita resumíronse as 59 biografías das autoras e autores homenaxeados polo Día das Letras Galegas. Estas biografías puxéronse a disposición das titorías dentro dunha caixa do correo feita para tal fin. A outra, de maior tamaño, albergou os textos que cada nivel foi escribindo, textos variados que compartiron con outros niveis. Una actividade moi motivadora e enriquecedora.


16/12/21

Palabra do Ano 2021, as Voces de 6ºB

O Portal das Palabras vén de publicar as cinco palabras finalistas que optan a se converter na Palabra do Ano 2021, campaña posta en marcha no 2014 consistente en elixir de forma colectiva, coas nosas suxestións, o termo que mellor pode resumir o acontecido durante o ano.

O alumnado de 6ºB sumouse facendo a súas propostas, 23 voces que para elas e eles resumen o vivido durante o 2021: palabras relacionadas coa pandemia da Covid-19 e con necesidades humanas derivadas dela e palabras sobre o volcán de La Palma.

Podes deixar o teu voto en comentarios! 

 


aperta

amizade

liberdade

incertidume

agarimo

bicos

verbena

aprender

esperanza

restrición (2)

arroutada

repugnantiño

especial

rosmar

vacina (2)

variante

aforo

volcán

estromboliano

coada

 lava



4/5/21

Hai correo!

O alumnado de 3º, 4º e 5º de E.Primaria está a participar nun intercambio de comunicacións escritas a través de correo ordinario e/ou electrónico con alumnado dos CEIP Recimil de Ferrol, CPI do Feal de Narón e CEIP Vila de Rutis de Culleredo. Enviáronse e recibíronse as primeiras cartas con moita ilusión!



 



1/12/20

Estatuto de Autonomía de Galicia

As nenas e nenos de 1ºC coñeceron e traballaron co que denominaron "o libro das normas dos galegos e as galegas": o Estatuto de Autonomía de Galicia 

 



 

18/6/18

BANDA DESEÑADA - CÓMIC

Nas Seccións Bilingües elaboramos os disfraces de SUPERHEROES e fixemos unha banda deseñada...con mensaxe.