SAMAÍN E OUTONO

Os nenos e nenas de Educación Infantil celebramos o Samaín e adornamos as portas con cousas de outono.

Obradoiro de ilustración con Sabela Díaz

Sabela Díaz foi quen conduciu este obradoiro dirixido ao alumnado de 4ºA e B durante catro xeiras formativas. Ao tempo que foi introducindo algúns elementos básicos do cómic ( viñeta, globos,liñas, expresións, planos...) foron creando unha historieta de temática medio ambiental. Toda unha gozada!

Día Internacional para a Eliminación da Violencia contra a Muller co CEIP Casás

Un grupo de nenas e nenos de 4º de Primaria do CEIP Casás acompañados de Anxo, o seu titor, trouxo ao escenario do centro "Historias verdadeiras",  unha recreación de escenas machistas a modo de pinceladas reais. Moitas grazas.
Violencia de xénero

Obradoiro de ilustración con Estefanía Padullés

O alumnado de 5º e 6º desfrutou dunha xornada formativa con Estefanía Padullés, bióloga, escritora e ilustradora de contos. Este obradoiro de ilustración e aplicación no mundo editorial permitiunos coñecer o proceso de elaboración dos libros. Para rematar deleitounos coa elaboración de debuxos, demostrando a súa mestría nesta arte.

#miúdoparladoiro15

Arrancamos este espazo de oralidade co recitado de dous poemas de Manuel María, "O carro" e " O meu barco" a cargo dun grupo de nenos de 5anosB.