NADAL NO MENÉNDEZ. PORTAS DAS AULAS

Todas as portas do centro foron engalanadas para o Nadal. Foi unha actividade moi interesante, pois todos nos afanamos en facer os mellores adobíos, as mellores nadaliñas... con deseños propios. 

Con elas felicitamos ás familias. 

 

NADAL NO MENÉNDEZ. BÓLAS DE NADAL

Todo o centro participou na decoración e  realización de bólas de Nadal. Diferentes e moi creativas, pero todas cun denominador común: un motivo relacionado con Galicia por un lado, e outro relacionado coa lingua ou cultura inglesa polo outro.

Deixamos aquí unhas poucas!

Por outra banda e en Polos Creativos realizáronse bólas identificadoras de cada nivel, ademais dunha moi especial en homenaxe ao noso ourizo Cachopúas e co que a nosa Apalpadora e o noso Papá Noel agasallaron o Nadal a todas as nenas e nenos do colexio.

 

 

 

NADAL NO MENÉNDEZ. NADAL EN GALEGO

Panel para saber máis sobre os cantares de Nadal (preme), acompañando a figura do Apalpador.

 

Gastronomía, decoración...léxico e cultura propia.

6ºB

XOTRAMU

O venres, día 1 de decembro, todo o alumnado do centro participou na xornada de xogos populares e tradicionais dirixida pola asociación cultural XOTRAMU.

Unha xornada lúdica, relaxante e interesante na que todas e todos participamos.

Moitas grazas!

Deixamos ligazón á "Guía de recursos sobre o patrimonio lúdico galego"

Outono. Magosto.

Neste tempo que levamos de curso todo o alumnado e o profesorado do centro traballou conxuntamente para coñecer máis sobre o outono e os seus froitos e cores, o Samaín e o Magosto. O resultado foi unha amálgama de arte e coñecementos que se espallou polas aulas e polos corredores, tinguindo o colexio das cores e dos aromas desta estación.

Grazas a todas e todos polo traballo conxunto!

Ourizos literarios 3ºB

Traballos 5ºA

Refráns 3ºB

Samaín

E.Infantil

Para celebrar o Samaín realizamos en todo o centro actividades variadas.

As vasoiras da bruxa foron creadas nas titorías a criterio de cada meiga/o a partires de xestas e outros materiais e co seu propio feitizo. En E.Infantil elaborouse un mural colaborativo.

Aparcadoiro de vasoiras

Benvida curso 2023/24

Dende o Equipo de Dinamización da Lingua Galega damos a benvida a este novo curso escolar, no que seguiremos contando coa axuda de Cachopúas. O noso ourizo volve das súas viaxes cargado de historias para animarnos na nosa aventura de aprendizaxe, e con novas propostas para meter na súa casiña.

As actividades deste Equipo estarán estritamente vinculadas ás da Biblioteca Escolar e, cando se presten, tamén a outras dinamizacións.

Comecemos con bo pé!

Animádesvos a bailar? E a viaxar?

E. Infantil. Saídas curso 2022/23

 

Durante o curso 2022/23 o alumnado de E. Infantil realizou varias saídas e visitas:

• Exposición: "Indómitas. Historias que abren camiños."
  
• "Feo!" Espectáculo infantil
• Aldea das Formigas en San Clodio (Outeiro de Rei)
• Parque ornitolóxico Avifauna en Bravos (Outeiro de Rei)
• Parque zoolóxico Marcelle Natureza en San Martín de Guillar (Outeiro de Rei)
• Castro de Viladonga no municipio de Castro de Rei
• Museo Provincial, Muralla e Concello de Lugo

 

 

 

A Casiña do Maxín e Cachopúas

Remata xa este curso no que coñecemos a un novo compañeiro: Cachopúas, un ourizo que veu vivir ao colexio para animarnos a escribir en galego.

Pasámolo moi ben coas súas cartas e cos seus escritos e, finalmente Cachopúas decidiu premiar a algúns nenos e nenas que se esmeraron de maneira especial nos seus traballos. Os premios realizáronse en colaboración con Polos Creativos.

As nenas e nenos de E.Infantil fixeron un traballo cooperativo marabilloso e, en Primaria, houbo unha gran participación con cartas, cómics, contos, poemas...

Agora Cachopúas marcha de vacacións e despídese ata o curso que vén. Virá cargado de sorpresas! Con el estará, coma sempre, o Equipo de Dinamización da Lingua Galega do cole, que dende aquí, agradece o traballo feito e tamén se despide ata o vindeiro curso con moito agarimo.

 

 

Os Maios

Os nenos e nenas de Educación Infantil celebramos a festa dos Maios. Cantamos e bailamos acompañados de instrumentos de percusión.

Grazas ás familias pola súa colaboración.

Letras Galegas 2023 : O son que me arrola

O alumnado de E. Infantil participou nun percorrido pola música tradicional coa actividade "O son que me arrola", levada a cabo pola Asociación Socio-Educativa Antonio Gandoy.

Cantaron, tocaron e bailaron e para rematar fixeron un instrumento de percusión.

 

 

Letras Galegas 2023

 

O programa da semana das Letras Galegas prometía e así foi.  

Comezamos coñecendo un chisco máis a Francisco Fernández del Riego, don Paco,  da man de Zoe, Yasmina, Mayra e Nicolás de 6º que fixeron a presentación do autor a todo o  alumnado de Primaria baseándose na obra de teatro "As cousas de don Paco", escrita por Eva Mejuto e ilustrada por Lucía Cobo.

O martes todo o alumnado do centro escoitou, cantou e bailou coas nenas e nenos de 3º: "O esqueleto" de Migallas, "Prefiro bailar twist" de Manuel Manquiña e "O carro", poema de Manuel María interpretado por Treixadura.

 O xoves continuamos os actos coa entrega de premios "Con R de Rosalía", e isto amenizado polos grupos de 4º. 

O grupo de 4ºA recitou o poema de creación propia titulado "Concienciámonos", un poema dedicado ás mulleres.

O grupo de 4ºB interpretou "Adiós ríos, adiós fontes" de Rosalía de Castro.

Para rematar a semana  Halima, Claudia e Julia de 5ºB presentaron o libro "A lavandeira de San Simón", escrito por Eva Mejuto e ilustrado por Bea Gregores. Primeiro título da colección Pequena Memoria, para recuperar as voces silenciadas da historia.

De agasallo final os recitados de Tiago e Carla de 6ºB, cadanseu poema de creación propia. 

Extraordinaria e intensa semana. Foi todo un deleite!

MULLER E POESÍA

Seguimos  con  CONCIENCIÁMONOS,  poesía desta vez creada, presentada e recitada polas nenas e nenos de 4º A a todo o alumnado de E. Primaria.

 

Os alumnos de 4º A,

imos recitar un poema

que vos vai encantar.

De todas as mulleres

que imos nomear

moitas delas

vanvos soar.

Coa galega Rosalía

imos comezar

esta bonita poesía.

Ela moito escribía

e toda Galicia a coñecía.

Cos seus poemas facía

que a xente tivera alegría.

Coas Tanxugueiras imos seguir

cancións en galego

que vos van divertir

e nunca deixar durmir.

 

A J.K.Rowling

podémoslle agradecer

 a súa fantástica historia

con Harry Potter como un máxico ser.

 

 

E para finalizar,

con Clara Campoamor

as mulleres puideron

votar sen temor.

Gozamos moito. Parabéns!!