Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.
Mostrando entradas con la etiqueta Letras Galegas. Mostrar todas las entradas
Mostrando entradas con la etiqueta Letras Galegas. Mostrar todas las entradas

4/5/24

Letras Galegas 2024

Comezamos o mes das Letras, este ano dedicadas a Luisa Villalta, muller polifacética e amante das artes. 

A autora fixo certo o principio clásico de que todas as artes son amigas. Combinou ao longo da súa curta vida música e palabra nunha intensa e prolífica actividade cultural.

Recoñecida sobre todo como poeta, Luisa Villalta cultivou outros xéneros: teatro, ensaio, tradución de textos dramáticos, narrativa (novela e relato breve),  opinión a través de columnas no xornalismo... 

O  feminismo, a docencia, a política, o asociacionismo civil e profesional, a defensa do patrimonio e a natureza…

E con ela son 6 as mulleres homenaxeadas ao longo de algo máis de 60 anos de celebración das Letras Galegas!

No colexio estámonos preparando para coñecela e saber da súa vida e obra, así como das nosas Letras. Ademais de abondosas actividades de clase, estamos organizando para a semana do 13 ao 16 de maio outros actos para deleite de todo o centro.

Seguídenos na web do centro!

 


22/5/23

Letras Galegas 2023 : O son que me arrola

O alumnado de E. Infantil participou nun percorrido pola música tradicional coa actividade "O son que me arrola", levada a cabo pola Asociación Socio-Educativa Antonio Gandoy.

Cantaron, tocaron e bailaron e para rematar fixeron un instrumento de percusión.

 


 

21/5/23

Letras Galegas 2023

 


O programa da semana das Letras Galegas prometía e así foi.  
Comezamos coñecendo un chisco máis a Francisco Fernández del Riego, don Paco,  da man de Zoe, Yasmina, Mayra e Nicolás de 6º que fixeron a presentación do autor a todo o  alumnado de Primaria baseándose na obra de teatro "As cousas de don Paco", escrita por Eva Mejuto e ilustrada por Lucía Cobo.



O martes todo o alumnado do centro escoitou, cantou e bailou coas nenas e nenos de 3º: "O esqueleto" de Migallas, "Prefiro bailar twist" de Manuel Manquiña e "O carro", poema de Manuel María interpretado por Treixadura.


 O xoves continuamos os actos coa entrega de premios "Con R de Rosalía", e isto amenizado polos grupos de 4º. 
O grupo de 4ºA recitou o poema de creación propia titulado "Concienciámonos", un poema dedicado ás mulleres.
O grupo de 4ºB interpretou "Adiós ríos, adiós fontes" de Rosalía de Castro.








Para rematar a semana  Halima, Claudia e Julia de 5ºB presentaron o libro "A lavandeira de San Simón", escrito por Eva Mejuto e ilustrado por Bea Gregores. Primeiro título da colección Pequena Memoria, para recuperar as voces silenciadas da historia.
De agasallo final os recitados de Tiago e Carla de 6ºB, cadanseu poema de creación propia. 
Extraordinaria e intensa semana. Foi todo un deleite!

22/5/22

Letras Galegas 2022. Macrofoliada

En clave inclusiva, derrubando barreiras, sen fronteiras, desde a tradición e a literatura desenvolvéronse os actos de celebración das Letras Galegas 2022 no colexio.

Cantigas como "Pan de millo" de Migallas, "Este olliño pimpilín" nas voces do alumnado de 3 anos e 4 anos A, outra dos Maios con percusión de paus interpretada polos nenos e nenas de 4 anos B. "O cuco", poesía musicada de Manuel María, cantárona as nenas e nenos de 5 anos.

Recitados individuais, en pequeno e gran grupo desde 1º ata 5º de Primaria da obra de Rosalía de Castro, de Manuel María e, por suposto, do autor homenaxeado, Florencio Delgado Gurriarán foron todo un pracer para os nosos sentidos.

En homenaxe ás tres pandeireteiras que demostraron que non hai fronteiras para a lingua galega todo o alumnado de 1º, 2º e 3º de Primaria interpretou Terra de Tanxugueiras con pictogramas e cunha coreografía baseada no baile tradicional. 4º, 5º e 6º de Primaria fíxoa con lingua de signos e baile. 

O alumnado de 6º preparou para a ocasión unha emotiva presentación. Lúa e Iván de 6ºA e Iria e Brais de 6ºB conduciron a celebración maxistralmente. Nela mostráronnos un percorrido pola vida e obra de Florencio Delgado, rememoraron as súas propias vivencias no cole, faláronnos de palabras do ano, de inclusión...de morriña, de ilusión, de pasado e de futuro.

Todo acompañado de música tradicional, rematando os actos co noso himno.

O entusiasmo, interese e entrega foi xeneralizado. Unha celebración cargada de emotividade e de galego!

 


 

 



20/5/22

Recanto das Letras

Esta actividade tivo como obxectivo o fomento da escrita en lingua galega e a relación entre niveis e/ou etapas mediante o intercambio dos textos producidos.

Como punto de partida, de motivación ou animación á escrita resumíronse as 59 biografías das autoras e autores homenaxeados polo Día das Letras Galegas. Estas biografías puxéronse a disposición das titorías dentro dunha caixa do correo feita para tal fin. A outra, de maior tamaño, albergou os textos que cada nivel foi escribindo, textos variados que compartiron con outros niveis. Una actividade moi motivadora e enriquecedora.


19/5/21

DÍA DAS LETRAS GALEGAS 2021

 O pasado venres, as alumnas e os alumnos de Educación Infantil celebramos o Día das Letras Galegas, que como xa sabedes este ano está dedicado a Xela Arias, autora do conto A fraga dos paxaros faladores e tradutora ao galego de moitos libros como As bruxas de Roald Dahl.

Esta é unha mostra das nosas actividades.


14/5/21

"A fraga dos paxaros faladores e a fraga leopardicia" en 3ºB

 

"A fraga dos paxaros faladores e a fraga leopardicia" é o título do conto co que Xela gañou o concurso de Contos Infantís O Facho. Tiña 11 anos daquela, uns poucos menos ca nós! Con este traballo queremos lembrar o poder da imaxinación e comezar o noso camiño literario.

A nós tamén nos gusta moito escribir, utilizar a creatividade para aprender e construír un mundo de saberes máxico e á vez útil.

Gustounos moito o teu conto, Xela! A túa capacidade creativa pareceunos fascinante.







15/11/20

Letras Galegas en outono: AS PITAS BAIXO A CHOIVA

Este ano o Día das Letras Galegas está dedicado a Ricardo Carvalho Calero, escritor, profesor e defensor da nosa lingua e da nosa cultura. As nenas e nenos de 5 anos fixemos debuxos sobre o seu libro “As pitas baixo a choiva “, que conta o que lle aconteceu de pequeno un día de chuvia cando quería recoller as galiñas e acabaron mollados coma pitos, el, as galiñas e toda a familia.


13/5/20

27/6/19

O CASAMENTO DA PULGA

OS NENOS E NENAS DE 5 ANOS A INTERPRETARON O CASAMENTO DA PULGA RECOLLIDO NO CANCIONEIRO DE COTOBADE POR ANTONIO FRAGUAS.

16/5/19

LETRAS GALEGAS CON MARICA CAMPO

A lectura de Unha misión para Clara deunos pé para escoitar e falar de diversos temas con Marica. De igualdade, de evolución da especie humana, de literatura, de lectura...Da importancia de conservar o noso, a nosa Lingua, a natureza...Un pracer!