Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.
Mostrando entradas con la etiqueta Entroido. Mostrar todas las entradas
Mostrando entradas con la etiqueta Entroido. Mostrar todas las entradas

10/2/24

ENTROIDO NO MENÉNDEZ

Este curso decidimos celebrar o Entroido dando protagonismo a algún dos personaxes de noso.

Coñecemos algo máis deles, dos seus traxes, da súa historia, das súas características...Descubrimos moitas cousas e pasámolo en grande tanto traballando nos traxes como festexándoo no cole.

Atrevémonos coa poesía, cos atranques, coas coplas...Fixemos soar as nosas chocas e chocallos. 

Deixamos aquí unha pequena mostra do que foi. Ides atopar peliqueiros, felos, cigarróns, madamas e galáns, troteiros e xenerais da Ulla. Unha marabilla!

Moitas grazas ás familias pola estimada colaboración.

2/2/24

ENTROIDO 2024

 

O Meco Boneco dá comezo á celebración do Entroido 2024 no colexio. 

Estamos preparando os nosos traxes para o día grande con moita ilusión, pero mentres...sigamos os mandatos do Meco Boneco. 

A correr o Entroido!



18/2/23

ENTROIDO 2023

 ENTROIDO CHOQUEIRO

Este ano apostamos pola sostibilidade e a tradición. 

Remexemos no armario e na casa,  deixamos voar a nosa imaxinación,  reutilizamos e creamos os nosos disfraces.

 

"Cada Entroido seu choqueiro"



O cigarrón, protagonista do Entroido de Verín (Ourense).

Durante a semana, todas e todos puidemos gozar deste personaxe e do seu marabilloso traxe artesanal. 

O traxe foi facilitado pola familia de Martín de 3 anos B. Moitísimas grazas!

O meco de SOGAMA foinos marcando a semana que rematou o venres cunha gran xuntanza de entroidos:

Choqueiras e choqueiros de E.Infantil facendo soar os seus instrumentos reciclados.

A clase fantástica da reciclaxe de 1ºA e Os pequeliqueiros e pequeliqueiras de 1ºB.

Faltriqueiras e faltriqueiros de 2ºA e Choqueiros de 2ºB.

Trouleiros e trouleiras de 3ºA, Caveiras multicolores de 3º B e Os incribles de 3º C.

Estrelas explosivas de 4ºA e Cuarto empatía de 4º B.

Os brillantes choqueiros de 5º A, Camiñantes do Miño de 5º B e As Irmandades da Fala de 5º C.

O Entroido en pixama de 6º A e Os xubilados e xubiladas de 6º B.

Daniela, Bruno, Carla e Tiago de 6º foron os encargados de presentar os actos. Dámoslles as grazas polo seu bo facer.

Foi moi divertido. Gozamos moito!

Agradecemos inmensamente o traballo realizado a todas as familias. Sen vós non sería posible!

 

                                                        


            

26/2/22

ENTROIDO GALEGO

Durante estes días, e en varias titorías, demos un repaso a algúns dos personaxes do noso Entroido: traxes, ritos, lugares, celebracións, gastronomía... Recollemos aquí unha mostra deles. 
Goza o Entroido galego!


 

ENTROIDO 2022

Camiño do Entroido

Peregrinas e peregrinos rosalianos, tradicionais, modernos, deportivos, orixinais, primaverais...pasaron polo centro nun continuo devir. 



Coñecemos a indumentaria do peregrino xacobeo medieval: sombreiro, capa, bordón, cabaza, cuncha... Moitas grazas á Asociación de Amigos do Camiño de Santiago da provincia de Lugo por facilitárnola.

Tivemos música de Entroido nas voces de Paco Nogueiras, Antonio Luz, Brinca Vai, Pingallos...

Moitas grazas familias pola vosa valiosa colaboración e a toda a Comunidade Escolar . 


 

21/2/22

TRADICIÓNS: Mandado II + DÍA DE ROSALÍA

Un día moi especial! A obra de Rosalía na voz das nenas e nenos que a homenaxean na visita ao graffiti do centro que a representa. 

Meco-Peregrino

 

Gozade con "Este meu camiño"de Acadacanto. Peza baseada na poesía de Rosalía "Dende aquí vexo un camiño".



 

18/2/22

TRADICIÓNS: Comeza a festa!

  O Entroido é unha das festas máis antigas que se celebra en Europa. A súa orixe está nas celebracións das tarefas agrícolas e a chegada da primavera.

 

En Galiza ten moita tradición. Entroido vén do termo latino introitus que significa entrada, entrada nunha nova estación, a primavera. Tamén podemos dicir Carnaval.

Tempo de festa e diversión. Disfrázate e pásao ben! 

 

Meco-Camiñante

22/2/20

ENTROIDO 2020 ( 1ª parte)

O Entroido veu ao cole no Día internacional da Lingua Materna. Este día ten como obxectivo promover a diversidade lingüística e cultural. O futuro da nosa lingua está nas nenas e nos nenos, faládelles galego.
O noso Entroido chegou moi colorido e lucido, entre mitoloxía e fantasía, flora autóctona, coidado do medio ambiente e alimentación saudable.

19/2/20

2/3/19

ENTROIDO 2019



Que será que cando chega
 cunha ledicia sen par, 
 a xente tápase a cara
 e logo ponse a bailar?
O ENTROIDO!!! 

 Chegou o Entroido ao colexio, este ano de carácter reivindicativo.  

 POEMA 
O mar está en perigo
 e por iso cho digo, amigo. 
O mar está enfermo
 e somos o medicamento. 
Se entre todos o coidamos 
en bo estado o deixamos.



12/2/15

PERCORRIDO POLO ENTROIDO GALEGO

Boteiro de Viana do Bolo ( Ourense).Nenas e nenos de 3º
Boteiro de Vilariño de Conso (Ourense).Nenas e nenos de 3º
Pantallas de Xinzo de Limia ( Ourense).Nenas e nenos de 1º e 3º
Entroido galego
Peliqueiros de Laza ( Ourense).Nenas e nenos de 2º
Cigarróns de Verín (Ourense).Nenas e nenos de 1º