Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.

18/2/22

TRADICIÓNS: Comeza a festa!

  O Entroido é unha das festas máis antigas que se celebra en Europa. A súa orixe está nas celebracións das tarefas agrícolas e a chegada da primavera.

 

En Galiza ten moita tradición. Entroido vén do termo latino introitus que significa entrada, entrada nunha nova estación, a primavera. Tamén podemos dicir Carnaval.

Tempo de festa e diversión. Disfrázate e pásao ben! 

 

Meco-Camiñante

28/1/22

Día Escolar da Non Violencia e da Paz

Linguaxe positiva:"E ti, de que enches a túa mochila?"

Enchemos o noso colexio e a nosa mochila invisible con moreas de burbullas con palabras positivas.

As palabras teñen moito poder. Carga a túa mochila e a dos demais con palabras lixeiras, agradables, bonitas, que nos fan rir...Farás o teu camiño e o dos demais máis feliz!

Actividade baseada no conto: "La mochila invisible" (escrito por Anna Morató e ilustrado por Eva Rami).

 


20/12/21

16/12/21

Palabra do Ano 2021, as Voces de 6ºB

O Portal das Palabras vén de publicar as cinco palabras finalistas que optan a se converter na Palabra do Ano 2021, campaña posta en marcha no 2014 consistente en elixir de forma colectiva, coas nosas suxestións, o termo que mellor pode resumir o acontecido durante o ano.

O alumnado de 6ºB sumouse facendo a súas propostas, 23 voces que para elas e eles resumen o vivido durante o 2021: palabras relacionadas coa pandemia da Covid-19 e con necesidades humanas derivadas dela e palabras sobre o volcán de La Palma.

Podes deixar o teu voto en comentarios! 

 


aperta

amizade

liberdade

incertidume

agarimo

bicos

verbena

aprender

esperanza

restrición (2)

arroutada

repugnantiño

especial

rosmar

vacina (2)

variante

aforo

volcán

estromboliano

coada

 lava



3/12/21

3 de decembro, Día Internacional das Persoas con Discapacidade

 

O centro uniuse á iniciativa "Baixo o mesmo paraugas" facendo unha foto cun paraugas, ademais doutras actividades, e así reivindicar unha sociedade máis xunta e igualitaria para todas as persoas. Xuntas e xuntos quitamos barreiras!

#OMenéndezBaixoOMesmoParaugas


1/12/21

PROXECTO "Ao Son da Nosa Música"

Compartimos os resultados da enquisa na que participou o noso alumnado de 5° e 6° dentro do proxecto socio-educativo "Ao Son da Nosa Música"

 
 O GALEGO, PRACTICAMENTE DESAPARECIDO NA MÚSICA QUE SE ESCOITA NA ADOLESCENCIA
 Unha enquisa realizada a máis de 1.000 escolares da Galiza revela a práctica desaparición do idioma galego entre os seus hábitos de consumo musicais. Un 80% confesa que nunca -ou case nunca- escoita música en galego. Máis do 50% nunca asistiu a un concerto de música en lingua galega na súa vida e un 40% do alumnado enquisado non coñece ningún artista ou grupo que cante en galego.
Datos completos na web de Ao Son das Enquisas.