Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.

3/12/21

3 de decembro, Día Internacional das Persoas con Discapacidade

 

O centro uniuse á iniciativa "Baixo o mesmo paraugas" facendo unha foto cun paraugas, ademais doutras actividades, e así reivindicar unha sociedade máis xunta e igualitaria para todas as persoas. Xuntas e xuntos quitamos barreiras!

#OMenéndezBaixoOMesmoParaugas


1/12/21

PROXECTO "Ao Son da Nosa Música"

Compartimos os resultados da enquisa na que participou o noso alumnado de 5° e 6° dentro do proxecto socio-educativo "Ao Son da Nosa Música"

 
 O GALEGO, PRACTICAMENTE DESAPARECIDO NA MÚSICA QUE SE ESCOITA NA ADOLESCENCIA
 Unha enquisa realizada a máis de 1.000 escolares da Galiza revela a práctica desaparición do idioma galego entre os seus hábitos de consumo musicais. Un 80% confesa que nunca -ou case nunca- escoita música en galego. Máis do 50% nunca asistiu a un concerto de música en lingua galega na súa vida e un 40% do alumnado enquisado non coñece ningún artista ou grupo que cante en galego.
Datos completos na web de Ao Son das Enquisas.

25/11/21

25 de novembro, Día Internacional para a Eliminación da Violencia contra as Mulleres

 Camiñando xuntas e xuntos!

Centos de pegadas cheas de mensaxes percorren os corredores do colexio para amosar o noso firme rexeitamento ás violencias contra as mulleres.Complementamos a celebración con varias pezas musicais de artistas e grupos como: Sés, Cuarta Xusta, Guadi Galego, A banda da Loba, Rozalén, El Diluvi, Nina Simone...


17/11/21

TRADICIÓNS: Magosto II

 Todo isto e moito máis!

 

TRADICIÓNS: Magosto I

No mes de novembro, que se inicia co Día de Defuntos, celebramos o Magosto. Esta festividade ten orixe celta, marca o final do verán. Os días reven e o tempo das colleitas remata. O día 11 de novembro, día de San Martiño, é o día grande. 

Para nós o día grande foi hoxe coa chegada de Alfonso, o castañeiro da Praza Maior, e o seu tren de castañas. Preparámonos cos nosos cornetes e a gozalas. Estaban deliciosas!