Datos persoais

Mi foto
Animamos a dar o paso para converter a lingua galega na nosa fala diaria e en todos os ámbitos da nosa vida.

3/2/17

FAMILIAS CONTADORAS: RAZAS AUTÓCTONAS GALEGAS

As nenas e nenos de 1º, 2º, 3º e 4º desfrutamos moito coa charla de Diego Rois Losada. Falounos das vacas, das ovellas, das cabras, da galiña de Mos, do porco celta, do cabalo, dos cans. Ademais Samuel Ferro de 4ºA  contounos cousas das súas galiñas de Mos e ata nos trouxo uns ovos. 
Agora tamén temos un almanaque da selección galega de razas autóctonas!



31/1/17

#miúdoparladoiro6

As nenas e os nenos de primeiro B están a falar nas súas asembleas sobre os seus animais favoritos.
Aquí tedes a exposición de Gisela Corujo. Abofé que este non ha ser o último #miúdoparladoiro.



30/1/17

DÍA DA PAZ E A NON VIOLENCIA: A botica das emocións




Co fin de traballar a educación emocional dentro da escola, creamos a botica das emocións. Nenas e nenos poderán acudir a ela cando o precisen para resolver algún conflito, identificar algunha sensación que teñan...
No Departamento de Orientación axudaráselles a expresalas, identificalas e xestionalas de forma saudable.
Os estados emocionais traballados son: aburrimento, alegría, amor, noxo, culpa, enfado, envexa, gratitude, ira, medo, rabia, soidade, tristeza, vergonza.
Co apoio do "Emocionario: Di o que sentes" aprenderemos a identificalas expresando o que sentimos.









DÍA DA PAZ E A NON VIOLENCIA: Dá o que poidas, colle o que precises





Recuncho xeneroso e compartido onde deixamos e collemos desexos de Paz.